靈戲逼人
(Unchained Medley)
音樂人意外釋放女鬼花旦，譜出淒美人鬼戀，揭發多年前被殺真相，糾纏兩世的愛情再次面臨分別。

换女主了

李佳芯解凍後被用到盡 以健康為由推劇 龔嘉欣頂上做女鬼再上位
東方新地
李佳芯19年被放入雪櫃，解凍後工作重回軌道，拍劇之餘仲主持清談節目《夢中．情．人》，忙過以前，有指無綫安排她在新劇演難頂的女鬼角色，不過李佳芯卻以身體不適為由辭演，最後由龔嘉欣頂上，近年密密拍劇的龔嘉欣，連踩兩劇都肯執二攤，被指是未來視后大熱，龔嘉欣咁多套劇未播，這次新劇演女鬼又有得發揮，機會來了！
李佳芯歸位後唔賣帳
李佳芯早前拍完新劇《有種好男人》後，即投入清談節目《夢中．情．人》的錄影，工作應接不暇的她，休息時間大減，有傳本來李佳芯被安排於下月開拍的靈異劇《靈戲逼人》中飾演難頂的女鬼角色，與張振朗譜人鬼戀，不過她最終以健康理由辭演。
李佳芯唔做龔嘉欣頂上
李佳芯態度強硬，話唔接就唔接，令劇組大失預算，監製惟有急謀另一女主角頂上，有傳與無綫高層幾經商討後，已落實由曾奪馬來西亞視后的龔嘉欣「執二攤」上陣。據知龔嘉欣與《靈戲逼人》王偉仁合作無間，去年由她孭飛的劇集《十八年後的終極告白2.0》，監製亦是王偉仁，今次擺到明畀位龔嘉欣上。
龔嘉欣肯博肯捱等做視后
龔嘉欣於兩年前憑《殺手》及《香港愛情故事》一度人氣急升，演技亦獲肯定，可惜她為人低調，之後又一直未再有話題作。今次龔嘉欣被臨危受命，雖然下月同時要開拍古裝賀歲劇，連踩兩劇會非常辛苦，不過她為了再上位亦唔怕冇得瞓，一於博到盡，有指她分分鐘冷手執個熱煎堆，有望成為下一個視后。其實龔嘉欣有個執二攤攞獎命，當年她憑《幕後玩家》於《萬千星輝頒獎典禮2016》奪得「最佳女配角」，原來她也是頂替受傷好姊妹姚子羚演出的。
李佳芯間接認推劇 龔嘉欣話要八吓先﹗
對於被指以健康理由推劇，李佳芯回應傳媒時表示會盡力保持工作與健康之平衡。而被指頂替李佳芯演女鬼角色的龔嘉欣就坦言不太清楚，要再八吓先，她說呢排專心為新劇《回歸》開工，一切都要睇公司安排，如果屬實到時會盡力去做。不過監製王偉仁就露口風，表示對龔嘉欣能演出感到高興，更力撐李佳芯是因身體問題未能接拍。

李佳芯健康再响警号辞演新剧 龚嘉欣临危受命顶上扮鬼
TVB「视后」李佳芯（Ali）近月来可谓忙过不停，除了之前拍摄新剧《有种好男人》之后，又跟黎诺懿、麦美恩及刘颖镟合作综艺节目《仨心友行3》，另外，近日又拍摄myTV SUPER独家节目《梦中．情．人》。
除此之外，原定Ali下月要开拍另一新剧《灵戏逼人》，跟张振朗合作演出一段人鬼恋，不过今日有消息指Ali因健康问题推辞，改由龚嘉欣临危受命顶上。
消息指Ali突然辞演，剧组难免大失预算，幸好监製王伟仁立即找来曾合作多次的龚嘉欣帮手接演，而监製接受传媒访问时亦承认有此事，但因跟嘉欣早已合作过，对她很有信心，相信开拍时会一切顺利，而Ali则表示希望在工作及健康之间取得平衡。

無緣演女鬼嘆可惜 李佳芯健康為由推劇 龔嘉欣頂上
李佳芯（Ali）原本接拍新劇《靈戲逼人》，劇中跟張振朗譜人鬼戀，6月正式開工。昨日傳出Ali健康出問題決定辭演，劇組頓失預算，最後女主角由龔嘉欣頂上。Ali早前拍畢新劇《有種好男人》，參與綜藝節目《仨心友行3》，又跟黃庭鋒主持myTV SUPER節目《夢中．情．人》。她因身體不適辭演《靈》劇，粉絲關心她的健康。Ali回覆《明報》說要在工作和休息間取得平衡，因為身體應付不到日以繼夜的通宵拍攝。
「醫生再三叮囑注意休息」
Ali表示並非患上大病，「就係不想變為大病，家庭醫生再三叮囑要我注意休息」。問她不能捱夜，將來能否再拍劇？她說：「可以捱夜，而且我仲好鍾意拍劇，所以唔會放棄，只係不可以再3個月內24小時拍攝。今次好可惜，我未演過女鬼，應該幾好玩。」
《靈戲逼人》監製王偉仁稱劇集有幾個演員選擇，要看公司編排演員的檔期，他早想跟龔嘉欣再合作，去年拍《十八年後的終極告白2.0》合作過，她的表現非常到位和精彩，所以不存在什麼執二攤。
龔嘉欣劇接劇盡力做好
龔嘉欣表示正在趕拍《回歸》，剛好完成此劇後再投入拍攝《靈戲逼人》，她會盡力做好，開心再跟監製王偉仁合作。她稱《靈》劇是輕鬆開心為主，不會太辛苦。

灵戏逼人｜同时开两套剧龚嘉欣唔怕辛苦：尽力去做啦
对于自己接手做《灵戏逼人》女一，嘉欣在接受访问时表示自己近来太忙，未有空消化这一切，她说：「其实我自己都update唔切啲资讯，因为呢排都开紧工，所以都冇咩留意，而家都要快啲追番啲剧本。多谢Simon监制再搵我合作，18年2.0慨角色已经好有挑战，今次慨角色都好好，尽力去做啦。」
据知连埋《灵戏逼人》，嘉欣将会在6月同时拍两套剧，绝对辛苦，不过如果角色有发挥，相信她也不怕再辛苦一点，趁后生冲击视后。

编审：tan cuishan

李佳芯辞演《灵戏逼人》诉心声：雨后放晴．晴在心
视后李佳芯近日以身体不适为由辞演TVB新剧《灵戏逼人》，最终女角由曾夺马来西亚视后的无綫花旦龚嘉欣“执二摊”上阵。李佳芯向东网表示：“我会尽力保持工作与健康之平衡。”消息公布后，她在社交平台上载靓相诉心声：“雨后放晴．晴在心。”见眼她悉心打扮，面露笑容的模样，似乎无损心情！好友唐诗咏亦有留言大赞：“靓靓。

李佳芯開腔回應辭演《靈戲逼人》真相 轉攻綜藝做主持唔再拍劇﹗？
東方新地
李佳芯今年勇奪「最受歡迎電視女角色」後，終極解凍，工作不斷，本來將在新劇《靈戲逼人》演女鬼，但忽然傳出Ali以健康理由辭演，令劇組大亂陣腳，經高層商議後拍板由龔嘉欣頂上﹗令外界有無限猜測，李佳芯首度開腔回應辭演原因﹗
李佳芯每次拍劇都好傷：自己畀好大壓力自己﹗
李佳芯出席其主持的清談節目《夢中·情·人》錄影，親自開腔回應辭演《靈戲逼人》的女鬼角色原因，Ali指自己好有興趣演女鬼，因為自己未試過這類角色，但無奈身體應付不到，所以唯有忍心辭演﹗接受無綫娛樂新聞台訪問時，Ali話過去拍劇都好大壓力，而且時間顛倒又要捱夜工作，並維持幾個月，她指之前自己身體之前已響起警號，怕自己身體應付不來﹗當被追問有咩病時，Ali就解釋其實身體一直麻麻：「始終之前都有前科啦身體，每次拍劇都好傷，除了捱夜，自己會畀好大壓力自己，所以無論情緒、狀態定身體都好容易出毛病﹗」
李佳芯聽從醫生建議不能捱夜：我想工作、健康取得平衡
李佳芯又表示要感謝公司及劇組體諒她的決定：「有機會拍拍吓隨時身體有毛病，會影響進度，好難要劇組吓吓就到你，所以同公司傾過，公司都驚我負擔唔到﹗」Ali又指一直有睇中醫及針灸，醫生都建議她不能捱夜，：「雖然我keep住針灸，但都無法彌補直踩去拍劇所帶嚟身體的傷害，雖然我唔知演女鬼使唔使捱夜，但要喺呢個咁大壓力下去踩兩、三個月，我擔心身體負荷唔到，我想生活、工作同健康平衡﹗」有網民即在無綫官網留言問Ali是否不再拍劇，「拍劇就係要捱夜，咁即唔再拍劇？」、「TVB應該要檢討下，一日唔改，Ali都唔會拍到劇﹗」、「係咪拖吓拖拖到約滿走人？」等﹗
李佳芯轉攻綜藝有助減壓
李佳芯聽從醫生建議，怕捱夜拍劇會令身體擔荷唔到，相信有一段時間都未能睇到Ali的新劇。不過就可以在綜藝節目見到Ali，近日她為清淡節目拍攝，被對手黃庭鋒大讚精神好，打扮如廿幾歲𡃁妹，搞到Ali好開心，更指拍劇會比較攰，平日開工都有指定服裝會成熟一點，現在做主持才做回自己﹗Ali更坦言雖然未能應付拍劇，但拍攝綜藝節目就完全沒問題，而且可以同不同主持及嘉賓互動，好有新鮮感﹗

靈戲逼人｜李佳芯突辭演 龔嘉欣不介意執二攤：呢個攤咁好
撰文：吳子生
李佳芯早前以健康理由突然辭演新劇《靈戲逼人》，令劇組陣腳大亂，而無綫高層幾經辛苦商討，最終落實「女一」人選，決定由龔嘉欣臨危受命上陣頂替。對於被指執二攤，龔嘉欣今日出席劇集宣傳活動時說：「其實當時我收到通知要演呢個角色嘅時候，我係唔知道李佳芯唔做先搵我，因為我從來都唔會問。公司搵我做，我就去做。反而當日我收咗劇本之後，就要即刻熟讀晒劇本裡面嘅內容，原因係緊接住下個星期就要開工。」
嘉欣續指：「其實好多時公司都會有好多安排同調動嘅，咁所以我就唔會介意人哋話我執二攤，而呢個攤咁好，我就唔介意執啦，因為執到都開心。而我覺得每一個演出嘅機會我都會好好珍惜，尤其是我哋而家做咗咁多年，由配角慢慢一步一步去做一啲戲份重嘅角色，咁所以嚟到咪做好佢。」

李成昌 :
兩個極具挑戰的劇中人……

吊威吔吊到傻！龔嘉欣夜闖廢校做阿飄
藝人龔嘉欣今日（7日）出席《十八年後的終極告白2.0》宣傳活動，她透露正準備新劇《靈氣逼人》明天首拍：「今次會去好多廢校同村屋取景，因為係鬼片，所以夜班特別多。（扮女鬼使唔使吊威吔？）多呀，成日要飄嚟飄去，我同張振朗仲有浪漫愛情戲。（性感女鬼？）唔係，好多衫着。（本身容易感應靈體？）冇事嘅，同埋今次係喜劇，應該會好啲。」對於《十》劇收視麻麻，嘉欣說：「我冇留意，因為呢排忙為新戲做緊功課，不過我覺得最緊要自己盡咗力演出。」
而譚俊彥透露內地公幹返港後，自己僅見過爸爸一次：「佢依家好深閨，不過我個女7歲生日，我買咗㗎單車畀佢做禮物，諗住嚟緊叫爺爺教佢踩，等佢兩爺孫增進吓感情。」他又笑指囡囡愈來愈有性格：「叫佢行過嚟我度，佢會話No，已經好有自我。其實我細個都係婆婆公公教識我踩單車，所以我想呢件承傳落去，以後我囡囡諗起踩單車，都會記得係爺爺教佢。」
談到《十》劇僅錄得14.7收視，他說：「據我所知，首集跨平台收視應該有18.2，依家好多觀眾都喺其他平台睇電視，不過你問我有冇上調空間，係應該有嘅。（對套劇好有信心？）有，況且嚟緊劇情開始入肉，而我個角色都會開始露出真實一面。」他表示一直對「老婆」譚凱琪的辱罵不瞅不睬，其實是有意激怒對方：「點解咁做，大家就要繼續追喇。」