2019對關心妍來說是難忘一年,因為她啟動入行18年來首次世界巡迴演唱會。Jade還與歌迷互動,讓大家在網上投選最愛她的歌曲,然後在演唱會上演繹。來到巡迴演唱第二站,Jade踏上了東莞站舞台,並請來好友羅力威擔任嘉賓。平時怕怕醜醜的羅力威,自爆Jade是他心中的女神,初入行在頒獎禮首次見面,想了很久才敢上前合照!
羅力威說:「Jade太多歌打動我,亦影響咗我創作音樂靈感,初入行每次見到佢都心跳加速。」令在旁的Jade哈哈大笑,Jade說:「我嗰陣都結咗婚㗎喇,我同佢老婆(雨僑)好熟㗎!」Jade大讚羅力威彈得一手好琴,更即場鋼琴伴奏為Jade度身訂造的新歌《時刻》,然後兩人再合唱網路神曲《可不可以》。
到了個唱尾聲,Jade有感而發。原來她在開騷前兩星期失聲,經醫生診斷後發現她聲帶出血,立刻要求Jade停止練歌,連做運動也不可,只可閉關休息養聲,以免情況變壞,Jade說:「臨開騷前兩星期突然聲沙,馬上去睇醫生照聲帶,醫生話左邊的聲帶出血,好擔心,因為我真係好珍惜每一場演出及歌迷,你哋買飛等咗我咁多年,所以今日真係一個奇蹟,可以喺咁短時間內好番!今晚唱最後一首歌先敢同大家講,如果聲帶惡化可能要臨時取消,好感恩,多謝大家嘅支持,畀我嘅動力,令我把聲今日無事!」
說罷,Jade唱出《關心...心妍》,再次感動爆喊。Jade特別感謝老公,她說:「最慘冇得黐住個囡,連同佢玩和說話都唔得,最怕傳染佢,呢幾個星期老公好辛苦,每日帶心心出街玩。」東莞站圓滿結束後,明年3月Jade會將把巡迴演唱會帶到澳洲及美加,希望巡唱尾站可以在香港舉行。